Ata o 5 de agosto pódese visitar na Oficina de Turismo a exposición Francisco Landín Pazos, unha alborada para Ribadeo. E o venres ás 10 e ás 12 da mañá haberá unha visita guiada a esta mostra. A actividade enmárcase na programación da Xira de Santa Cruz.
A concelleira de Cultura, Begoña Sanjurjo, manifestou: «achégase unha fin de semana importante: a da Xira de Santa Cruz. Como todos os anos, celébrase o pregón o sábado ás 20 h no Teatro e o domingo será o propio día da xira».
A edil ribadense contou que «ademais este ano para ir quentando motores podemos admirar unha exposición dedicada a Francisco Landín Pazos na Oficina de Turismo de Ribadeo desde onte, 1 de agosto. Este músico excepcional compuxo unha alborada para Ribadeo para dúas gaitas, tamboril e bombo. A exposición está a cargo de Felipe Rea Otero, que será tamén o noso pregoeiro».
E engadiu: «podemos gozar tamén dunha visita guiada o venres 4 de agosto desde na propia oficina de turismo. Non dubidedes en asistir».
