Desde este pasado luns, 10 de xullo, pódese gozar dunha nova exposición artística na Casa da Cultura de San Ciprián, Cervo. Trátase dunha mostra colectiva de Abraham Moreno, Raquel Arias, Daniel San Miguel e Juan Manuel Regadera, todos eles estudantes de Belas Artes.
“Not accademic” é o título da súa obra conxunta composta por pezas de carácter visual e plástico de gran habilidade técnica nas súas diferentes modalidades (debuxo, deseño, pintura e fotografía).
A mostra poderase visitar durante todo o mes de xullo, de luns a venres, en horario de 9 a 15 horas.
