O venres, 24 de novembro, haberá unha concentración ás 12:00 horas na Praza Nardo Martínez, en San Ciprián, coa lectura de manifesto a cargo do alumnado do CEIP Península da Paz, do CEIP de Cervo e da Asoc. Saúde Mental A Mariña, seguido dun minuto de silencio.
A continuación o Grupo de Teatro A Mariña representará a súa obra “Duelo ó Amencer” no auditorio da Casa da Cultura.
O sábado, 25 de novembro as Escolas Vellas de Cervo acollerán ás 12:00 horas un contacontos, e pola tarde ás 17:30 horas haberá a actividade “Circo na Casa”, no auditorio da Casa da Cultura.
🥋O 28 e o 30 de novembro, Miguel Ángel Rojo Darriba impartirá sendos talleres de defensa persoal, en Cervo e en San Ciprián; ás 20:30 horas, as persoas interesadas poden inscribirse na Casa da Cultura.
Os actos están organizados pola delegación de Muller e Igualdade que dirixe Pilar Armada, e por Adaoemam A Mariña, coa colaboración de Airiños do Xunco, dos centros de primaria do municipio e da asoc. Mulleres en Igualdade de Cervo.
O Concello de Cervo, a través da delegación de Muller e Igualdade que dirixe Pilar Armada, programa, xunto coa asociación Saúde Mental A Mariña, diferentes actos con motivo do Día Internacional da Eliminación da Violencia contra a Muller, que ten lugar cada 25 de novembro.
No programa colaboran tamén a asociación Mulleres en Igualdade de Cervo (CERMEI), Airiños do Xunco, o CEIP de Cervo, e o CEIP Península da Paz.
Así, o venres 24 de novembro, ás 12:00 horas, está prevista un concentración na Praza Nardo Martínez “pola igualdade e en contra da violencia de xénero” na que se gardará un minuto de silencio en recordo das vítimas, con lectura de manifesto a cargo dun representante do alumnado do CEIP de Cervo e do CEIP Península da Paz, e tamén da asoc. Saúde Mental A Mariña.
A continuación, ás 12:30 horas, o grupo de teatro A Mariña, representará no auditorio da Casa da Cultura a obra “Duelo ó Amencer” dentro do circuíto de teatro afeccionado 2023.
O sábado 25 de novembro, as Escolas Vellas de Cervo acollerán, coa colaboración da asoc. Airiños do Xunco, a actividade para toda a familia que leva por título Os contos do avó: mulleres galegas. Xa pola tarde, ás 17:30 horas, na Casa da Cultura, terá lugar o espectáculo de Mere Clown, Circo na Casa.
Ademais, Miguel Ángel Rojo Darriba impartirá uns talleres de defensa persoal, os días 28 e 30 de novembro, no edificio dos xulgados en Cervo e na Casa da Cultura en San Ciprián, respectivamente, ás 20:30 horas. As persoas interesadas poden anotarse na Casa da Cultura.
O Concello de Cervo convida a participar nas diferentes iniciativas programadas “pola igualdade e en contra da violencia de xénero”.
